Смаргонь

Каманда

Год заснавання: 1987

Стадыён: Юнацтва (3500)

Колеры: чырвона-чорныя

Генеральны дырэктар:

Дасягненні: срэбраны прызёр Першай лігі (2006, 2022); бронзавы прызёр Першай лігі (2003, 2004, 2005); срэбраны прызёр Другой лігі (2001); 8-е месца ў Вышэйшай лізе (2008)

Усе назвы: «Станкабудаўнік» (1987-1993); «Камунальнік» (1993); «Смаргонь» (з 1993 года)

Першая каманда ў Смаргоні пабачыла свет у 1978 годзе. Прафесійны футбольны клуб пад назвай «Станкабудаўнік» быў заснаваны ў 1987 годзе. У чэмпіянатах Беларусі каманда ўдзельнічала ў 1992-1994, але паказвала дрэнныя вынікі. У выніку ў 1994 «Смаргонь» перайшла ў чэмпіянат вобласці. У 1998 клуб вярнуўся ў чэмпіянат краіны, а ў 2002 выйшаў у Першую лігу. У 2006 каманда пад кіраўніцтвам Георгія Кандрацьева заняла другое месца і выйшла ў Вышэйшую лігу. У 2007—2009 «Смаргонь» гуляла ў Вышэйшай лізе, дзе лепшым вынікам стала восьмае месца ў 2008. У 2009 «Смаргонь» заняла апошняе месца і вярнулася ў Першую лігу.